«Киләчәк укытучысы» нинди булырга тиеш?

«Киләчәк укытучысы» нинди булырга тиеш? Ул нинди компетенцияләргә ия булырга тиеш? Шушы һәм башка мәсьәләләр турында яшь педагоглар һәм аларның остазлары «Уку йортын тәмамлаучылар» форумында фикер алыштылар. Бу - тәҗрибә уртаклашу, һөнәри квалификацияне күтәрү, формаль булмаган аралашу, хезмәттәшлек урнаштыру һәм заманча белем бирү өлкәсендә глобаль бурычлар турында фикер алышу өчен уникаль платформа. Ике көн дәвамында без мәгариф системасында төп трендлар турында фикер алыштык. Тәҗрибәле педагоглар, мәгариф өлкәсе хезмәткәрләре, мастерлар, новаторлар безнең остазларыбыз булды. Диалог формасында алар яшь укытучылар белән белемнәре, осталыклары һәм күнекмәләре белән уртаклаштылар.

Форум турында Бакалыдагы 2нче мәктәп укытучысы Алия Кучумова сөйләде.

- Форум «Укытучы 2.0» дискуссиясеннән башланды. Анда шулай ук республика мәгариф һәм фән министрының беренче урынбасары Илдар Мәүлетбердин, Уфа шәһәренең фәнни-мәгълүмати-методик үзәге директоры Ольга Шеина һәм «Башкортстан Республикасының ел укытучысы» һәм «Башкортстан Республикасының ел укытучысы-2016» бәйгеләренең абсолют җиңүчесе Сергей Переверзев катнашты.

Аннан соң мастер-класслар һәм лекцияләр үткәрелде, анда спикерлар «Сыйныф җитәкчесе: һөнәрмәнд һәм остаз», «Проект өчен грант яки грант өчен проект: кайсысы беренчел?», «Мәктәп тьюториаллары», «Мәктәптәге конфликтлар белән идарә итү», «Педагогик кадрлар потенциалын үстерү ресурсы буларак «Башкортстан башкаласының ел укытучысы» клубы» темаларын җентекләп ачыкладылар. Без «Башкортстан башкаласының ел укытучысы» клубы мисалында педагогик кадрлар потенциалын үстерүнең нәтиҗәле механизмнары һәм технологияләре белән таныштык.

Аннан соң яшь укытучылар «Үзегез сайлагыз» ял-белем бирү программасында катнаштылар, аның кысаларында волонтерлар белән «Волонтерга кул бир» әңгәмәсе, «Барысы да укытучыдан башлана» брейн-рингы, «Максатлар коллажы» арт-классы узды. Форумның беренче көне ахырында «Уку йортын тәмамлаучы сәгате» узды. Без М. Акмулла исемендәге БДПУ факультетлары деканнары һәм институтлары директорлары белән очраштык.

Форумның икенче көне «Киләчәк укытучысы» стратегик сессиясеннән башланды. «Киләчәк укытучысы»ның эчтәлеге, эш алымнары һәм эш белән идарә итү һәм башкалар каралды.

Форум яшь укытучыларның Акмулла исемендәге университет ректоры Салават Сәгыйтов, төбәк Мәгариф һәм фән министрлыгының гомуми белем бирү өлкәсендә дәүләт сәясәте бүлеге начальнигы Жанна Миникеева, «Башкортстан Республикасының ел укытучысы» һәм «Башкортстан Республикасының ел укытучысы-2016» бәйгеләре җиңүчесе Сергей Переверзев һәм Уфа шәһәренең фәнни-мәгълүмати-методик үзәге директоры Ольга Шеина белән очраштылар. Без, форумда катнашучылар, БДПУ магистратурасында белем алу мөмкинлекләренә, дәүләт һәм муниципалитетлар ягыннан яшь укытучыларга ярдәм итүгә, остазлык проблемаларына, эш программаларын әзерләү һәм контрольлек итүче органнар тикшерүләрен узуга, һөнәри конкурсларда катнашуга кагылышлы сорауларга җаваплар алдык.