-15 °С
Болытлы
75 лет Победы
Барлык яңалыклар
УРЫНДАГЫ ҮЗИДАРӘ
23 гыйнвар 2020, 12:20

Куштирәк авыл Советы

Безнең авыл биләмәсе узган ел урындагы инициативаларны хуплау программасында уңышлы катнашты һәм 2020 елда да проектта катнашуның уңай тәҗрибәсен дәвам итү ниятендә.

Безнең авыл биләмәсе узган ел урындагы инициативаларны хуплау программасында уңышлы катнашты һәм 2020 елда да проектта катнашуның уңай тәҗрибәсен дәвам итү ниятендә.
2019 елда республика субсидиясенә һәм җыелган акчага Куштирәк авылында янгын сүндерү автомашинасы өчен бина ремонтланды. Чираттагы проектта катнашу өчен халык Бөек Ватан сугышында катнашучыларга һәм тыл эшчәннәренә һәйкәл кую проектын тәкъдим итте һәм хуплады. Йомгаклау җыелышында муниципаль район Советы секретаре З.С.Зыязетдинов катнашты һәм чыгыш ясады. Ул җыелучыларга конкурс шартларын аңлатты һәм агымдагы елда программаны тормышка ашыру өчен республика бюджетыннан күбрәк акча бүленәчәген, әмма катнашырга теләүчеләр дә күп булачагын билгеләп үтте. Шуңа күрә конкурс катгый булачак һәм анда җиңү өчен күбрәк балл җыярга кирәк. Халык һәм иганәчеләр ягыннан кушма финанслау проектның гомуми суммасының 10 процентыннан да ким булмаса, бу мөмкин. Ул авылда яшәүчеләргә үзләре сайлаган программаны тормышка ашыруда уңышлар теләде.
Һәйкәл төзү проектын сайлау - вакыт таләбе, шулай ук Бөек Җиңүнең 75 еллыгын бәйрәм итү белән бәйле. Җыелышта һәр ихатадан кирәкле акчаны кушма финанслау мәсьәләсе хәл ителде. Моннан тыш, халык һәм иганәчеләр акчалата булмаган ярдәм дә күрсәтә ала, бу төзекләндерү эшләрендә сизелерлек булышлык.
Җыелышта шулай ук проектны тормышка ашыруны, акча җыюны көйләячәк инициативалы төркем сайланды.
Авыл биләмәсе халкы конкурста җиңүгә өметләнә.