Сорауларыгызга җавап бирәбез

“Инцидент” программасы социаль челтәрләрдә республика Башлыгы вазыйфасын вакытлыча башкаручы Р.Ф.Хәбировка мөрәҗәгатьне ачыклады.

Ирина Лукьянова:

- Зинһар өчен, Бакалы районының Бөгәбаш авылына юлны ремонтлагыз. Бу авылда храм бар, анда Смоленск Аллаһы Анасының Могҗизалы иконасы саклана. Һәм, ышаныгыз, паломникларга язын һәм көзен храмга барып җитү мөмкин түгел. Әйе, авылда яшәүчеләр дә юлсызлык вакытында ашыгыч ярдәмне дә, янгын сүндерүчеләрне дә, таксиларны да көтеп ала алмыйлар.

Җавап:

- Ирина, исәнмесез! Әлеге вакытта Бөгәбаш авылына юл бар. 2018 елның августында авыл биләмәсе акчасына юлдагы чокырлар ямалды, иң проблемалы участоклары ремонтланды. Кышкы вакытта урамнарны кардан тазартуга С.Л.Красильников КФХсы белән килешү төзелде.

Бөгәбаш авылыннан төп трассага тоташканчы юл муниципаль район балансында тора. Юлның бу участогына капиталь ремонт таләп ителә һәм ул 2019 елга эш планына кертелде. Төп Токберды – Михайловка – Учтым трассасы БР Юл хуҗалыгы идарәсе хезмәтләндерүендә - юлга шулай ук капиталь ремонт таләп ителә. БР Юл хуҗалыгы идарәсенең баш белгече Альбина Гыйльмиянованың җавабыннан, якын вакытта бу автомобиль юлына ремонт, кызганычка каршы, каралмаган. Әмма БР Юл хуҗалыгы идарәсе вәкиле Сезнең мөрәҗәгать контрольгә алынды һәм, мөмкинлек булганда, бу юл эшләр планына кертеләчәк дип инандырды. Шулай ук уңай һава торышы башлану белән юлларны канәгатьләнерлек торышта тоту өчен юл өслеге яңа материал кулланып төзекләндереләчәк, яңалыклар булу белән хәбәр итәчәкбез, дип билгеләде.

Александр АНДРЕЕВ,

муниципаль район хакимияте башлыгы.