Якташлар җәмгыяте юбилеен каршылап

“Якташлар-бакалылар” җәмәгать берләшмәсе булдырылуга 20 ел тула. Бу датаны бәйрәм итүгә районда эшлекле әзерлек бара. Барысы ничек башланды соң? 1999 елда район икътисады җитди кыенлыклар кичерде, социаль программаларны үтәү барышында билгеле бер проблемалар булды, депутатлар, актив җәмәгать берләшмәсе оештыру турында район хакимияте инициативасын һәм күп якташлардан килгән тәкъдимнәрне актив хупладылар. Шулай итеп, “Якташлар-бакалылар” оештырылды. Зур даирә проблемаларны һәм мәсьәләләрне хәл итүдә Бакалы районыннан чыгучыларның барысының тырышлыгын координацияләүне һәм берлектәге эшчәнлекне якташлар җәмгыяте үзенең максаты итеп билгеләде. Районның почетлы гражданнары - җәмгыять рәисе Шаммазов Айрат Минһаҗевич һәм башкарма комитеты рәисе Кәримов Равил Мотыйгуллович беренче көннәрдән үк аңа җитәкчелек иттеләр һәм куелган бурычларга уңышлы алып бардылар. Җәмгыять үсә, аңа яңалар, районның тулаем социаль-икътисади үсешенә, аерым авылларга, яшь талантларга, шулай ук авыр тормыш хәлләренә тарыган гражданнарга һәрьяклы ярдәм күрсәтергә омтылучы яшь буын кушыла.Бүген без киң күңелле, изге йөрәкле якташларга һәм якташлар берләшмәсенә багышланган материалларны бастыра башлыйбыз.