-29 °С
Ачык
75 лет Победы
Барлык яңалыклар
ҖӘМГЫЯТЬ
3 апрель 2019, 13:13

Мавыгуларның киң даирәсе

“Тормышны кызыклырак итү безнең көчтән килә”, - Башкорт аграр-технологик колледжы филиалында укучы Елизавета Зырянова нәкъ шушы принципны күзәтә. Музыка, әдәбият, китаплар – аның мавыгулары даирәсе менә шулар.

“Тормышны кызыклырак итү безнең көчтән килә”, - Башкорт аграр-технологик колледжы филиалында укучы Елизавета Зырянова нәкъ шушы принципны күзәтә. Музыка, әдәбият, китаплар – аның мавыгулары даирәсе менә шулар.
Чибәр, актив һәм аралашучан кызны туган Ахман авылында һәм районда гына түгел, бәлки республикада да беләләр. Чөнки Лиза колледжда укыганда шигырь сөйләүчеләрнең “Җанлы сүз” республика конкурсында катнашты һәм 3 дәрәҗә дипломант булды. Өметле катнашучыларның берсе буларак, Башкортстан Республикасы оештырылуның 100 еллыгына багышланган “Сәнгать дөньясына керәм” үзешчән сәнгать иҗатының республика конкурсында катнашты. Ул ук шулай республиканың һөнәри белем бирү оешмалары арасында «Пешекче эше» компетенциясендә Башкортстанның “Яшь һөнәрмәндләр (WORLDSKILLS RUSSIA)” IV төбәк чемпионатының сайлап алу этабында катнашты.
Күпчелек яшьләр кебек, Лиза үзен спортта, музыкада, укуда сынап карый. Оптимизм - студентның холык сыйфаты. Нәрсә генә булмасын, тормыш аңа нинди генә сюрпризлар китермәсен, ул төшенкелеккә бирелми. “Барысы да яхшы булачак, ышанырга кирәк!” – аның девизы шундый. Яшьтәшләре белән аралашуда тагын бер кагыйдәсе: “Үзеңә теләмәгәнне беркайчан да кешеләргә карата кылмаска”.
- Музыка һәм җыр аша мин үз кәефемне әйләнә-тирәдәгеләргә тапшырам, - ди тәрбияләнүчебез. - Кайвакыт ахирәтләрем алар өчен җырлавымны сорыйлар, кайвакыт үзем өчен, күңелсез яки, киресенчә, күңелле булганда җырлыйм. Музыка белән шөгыльләнүемне “Пешекче, кондитер” һөнәре алганнан соң музыкаль колледжда дәвам итәргә хыялланам. Анысын вакыт күрсәтер.
Чынлап та, Лизага үз киләчәген үзенә билгеләргә кирәк булачак. Шунысы анык - кыз дөрес юл сайлаячак.
Гөлназ МАЛОВА, укытучы.
Читайте нас в