Сау бул, Укытучы!

Тәнәфестә укытучы азга гына коридорга, китапханәгә яки башка эшләр белән чыкканда да, балалар аны һәрвакыт янәшәләрендә итеп тоялар. Ул монда, шундый кызыксынучан, тиктормас һәм вакыты белән шук, әмма үз гамәлләрен инде контрольдә тота белгән балалар белән бергә. Дүрт ел дәвамында сыйныфта булдырылган тәртипкә ярашлы, ул һәрвакыт яннарында.

Һәм менә Елена Мәүлитҗановна Кузнецова ягымлы елмаеп сыйныфка керә, яктылык, күңел җылысын, өмет өләшә.

Бакалыдагы 1нче урта мәктәпнең безнең 4 «Г» сыйныфында белем алу елларында безнең сыйныфта бердәм тату коллектив барлыкка килде, анда берсе - барысы, барысы берсе өчен. Аның хуҗалары - “Укытучы һәм укучылар” бердәм җәмгыяте әгъзалары, алар барысы да бердәмлектә эшләүче яхшы әңгәмәдәшләр һәм иптәшләр.

Барысы да гади генә башланды. 2015 елның дулкынланулы 1 сентябрендә Е.М.Кузнецова сыйныф тупсасын атлап кергән һәр кечкенә кешене ихлас каршылады, кызларның бантларын төзәтте, малайлар ягына ягымлы караш ташлады. Алар борчылып һәм куркып як-якларына карандылар, әмма шунда ук тынычландылар, чөнки күңелләре дулкынланган җаваплы вакытта аларның беренче укытучылары Елена Мәүлитҗановна янәшәләрендә иде. Бу укытучы эш урынында «янып-көя» һәм укучыларны дәртләндерә белә. Ул укучыларны үз артыннан такт һәм акыл белән алып барды, дүрт ел уку дәвамында сыйныфта бихисап күп кызыклы вакыйгалар һәм чаралар булды. Иң мөһиме, ул балаларны мәктәп тормышы нигезләренә, хезмәт куярга, белем алырга, яңаны танып-белергә, бер сүз белән әйткәндә, укырга өйрәтте.

Без, әти-әниләр, Елена Мәүлитҗановнаның һәр баланың күңелен тоя белүен шунда ук аңладык. Ул аларның җиңүләренә, бәлки, хәтта үзләреннән дә ныграк шатланды. Беренче укытучының барлык шушы еллардагы тырышлыгы кечкенә укучыларның тырышлыклары белән берлектә булды. Ул аларга белемгә дөрес юл күрсәтте - ул янәшәдә генә, аңа ирешергә теләргә генә кирәк. Балалар юмор тойгылы, иҗади эшләүче һәм авыр минутта ярдәм күрсәтергә әзер таләпчән, гадел, игътибарлы Елена Мәүлитҗановнаны дәрескә ихлас көтеп алдылар. Менә хәзер алар шундый якын, аңлаучан кешеләре белән хушлашалар һәм аңа “зур рәхмәт” диләр. Без аларга кушылабыз һәм балаларыбызның беренче укытучысына ныклы сәламәтлек, иминлек телибез. Уңыш һәрвакыт Сезнең белән булсын!

Снежана НАСЫЙБУЛЛИНА, әни.