Мавыктыргыч һәм кызыклы проект

Әлеге инвестиция сәгатендә яшь бакалылы Дмитрий Белоусовның проекты каралды, ул үз-үзеңне хезмәтләндерү ысулы буенча эшләүче автоюгыч ачу проекты белән мөрәҗәгать итте. Проект бик кызыклы һәм авыл өчен гадәти түгел. Үз-үзеңне хезмәтләндерү автоюгычлары зур шәһәрләрдә күптән инде популяр, теләге булган һәркем аларда үз автомобилен үзе юа ала. Мондый автоюгычта машина юу автомобиль махсус ялланган кеше башкарган, башыннан алып ахыргача хезмәтләндерүне тәкъдим иткән сервислардагыдан ким дигәндә ике тапкырга түбән. Асылда, клиентлар биредә бары тик сарыф ителгән материаллар һәм җиһазны арендалаган өчен түлиләр. Яшь кеше идеясен тормышка ашыра алса, заманча автоюгыч таләп ителәчәк. Чөнки юкка гына халык: «Эшнең яхшы башкарылуын теләсәң, аны үзең эшлә», дими.

Үз эшен ачу өчен Дмитрий Николаевич проектны тормышка ашыру бизнес-планын төзегән, бу максатка туры килгән җир участогы һәм биналары бар. Ә инвестиция сәгатенә булдыклы яшь кеше аңа җиһаз сатып алырга ярдәмләшүләрен сорап мөрәҗәгать иткән. Хакимияттә аның проектын тулысынча хупладылар, һәм киләсе елда Дмитрий Николаевич автоюгычка җиһаз һәм кирәк-ярак сатып алу өчен урындагы бюджеттан финанс ярдәмгә исәп тота ала.

Д.Н.Белоусов шулай ук производство оештыруга арендага тапшыру өчен буш торган биналар тәкъдим итә, аларны партнерлык шартларында алырга мөмкин.

Муниципаль район хакимияте башлыгы А.Г.Андреев эшкуарга бөтен процессны эшкә җибәргәнче бизнесның бу төренең барлык нюансларын өйрәнүне һәм шәһәр төзелеше органнарыннан һәм экологик хезмәттән рөхсәт алырга киңәш итте.

Инвестиция сәгате ахырында алданрак каралган кайбер проектлар турында сөйләшү барды.

Эльвира ШӘйхразиева.