Янгын хәвефсезлеге кагыйдәләрен күзәтегез

22 июньдә көндез “БР буенча федераль янгын хезмәтенең 12нче отряды” ФДКУның 65нче янгын сүндерү частеның “01” дежур-диспетчерлык хезмәтенә Бакалы районының Иске Куян авылында янгын чыгу турында телефоннан хәбәр ителде. Урынга янгын сүндерү подразделениеләре килгәндә бер фатирлы торак йорт яна иде. Янгын нәтиҗәсендә аңа зур зыян килде, йорт милеге янып юкка чыкты. Бәхеткә, кешеләр һәлак булмады. Янгын чыгуның сәбәбе - электр җиһазын урнаштыру һәм эксплуатацияләү кагыйдәләрен бозу.