Предприятие ветераннары

Район кулланучылар кооперациясе системасында аның үсешенә лаеклы өлеш керткән күп ветераннар эшли. Бакалы кооператорларының даны бөтен республикага билгеле булуы очраклы түгел, монда елдан-ел производство күләме дә, хезмәтләндерү мәдәнияте буенча да яхшы нәтиҗәләргә ирешәләр. Аларның абруе зур, ә тәҗрибәләре бәяләп бетерерлек түгел.

Аларның берсе - кулинария цехы мастеры Насиха Минаҗетдиновна Янгирова 55 яшен билгеләүче. Ул яраткан эшенә 36 елын багышлады. Бүген дә яшьләрдән калышмый, янып эшли. Хезмәте буенча ахирәтләре белән көн саен зур осталык белән хәзерләү өстәлендә мәш килә - һәм менә бакалылар һәм кунаклар шатланып тәмле пироглар, төрле ассортиментта ипи, батон-булочкалар сатып алалар.

Кулинар Тәзкирә Әкъмәловна Зыязетдинова, күптән инде лаеклы ялда булуына карамастан, эшләвен дәвам итә. 60 яше тулып үтсә дә, беркем дә аңа шулкадәр дип әйтми. Яраткан һөнәренә кушылган хезмәт чыныгуы, мөһим эштә көн саен катнашу теләге яшәлгән елларны санарга вакыт калдырмый.

Аларның оста кулы аша үткән һәр пирогка, камыр ризыкларына, остабикәләр игелекле уйларын, теләкләрен салалар, шуңа күрә дә аларның продукциясе аны кулланучыларга шатлык һәм сәламәт туклык китерә. Башкача булу мөмкин дә түгел, чөнки аларның һәрберсе үз йортында яхшы хуҗабикә дә. Насиха Минаҗетдиновна кызы Гөлназны һәм улы Илгизне тәрбияләп-үстерде, инде 2 оныгы үсеп килә. Тәзкирә Әкъмәловна кызы Альбинага һәм улы Илшатка шат, аның 3 оныгы бар. Шуңа күрә үзләренең продукцияләрен кулланучыларга алар әни һәм әби буларак карыйлар, барысының да тук, сәламәт һәм тормыштан канәгать булуларына омтылалар.

Кооперация кулланучылар ветераннарына һәм үзебезгә ныклы сәламәтлек, җиңел булмаган эшләрендә уңышлар һәм шатлыклар телик!

Ольга Мищенко, «Җәмәгать туклануы» кулланучылар җәмгыяте идарәсе рәисе.