Сорадыгыз-җавап бирәбез

Сорау:

- Исәнмесез, Бакалы районының Иске Куян авылында Лесная урамында чүп контейнерлары уратып алынды, әмма баганаларны юлга куйдылар. Машина бу баганага тәгәри. Юллар юк, җитмәсә, багана да куйдылар. Авыл биләмәсе башлыгына мөрәҗәгать иттем, бу нормаль күренеш, монда җитешсезлек күрмим, диде. Авыл янында гравий карьеры бар, аннан Бакалы авылына да, башка авылларга да комташ ташыйлар, әмма безнең урамга балчык, комташ салдыра алмыйлар. Игътибар итегез, зинһар.

Җавап:

- Линар, хәерле көн! Әйе, Бакалы районының Иске Куян авылында контейнер мәйданчыгы урнаштыруның берничә варианты каралды, оптималь вариант - Лесная урамындагы тыкрык (15 августка чүп баклары урнашкан урын), башка урыннарда коелар комачаулый, я электр линияләре уза. Каты коммуналь калдыклар җыелган барлык урыннар да халык белән килешенде, бу мәсьәләләр буенча гражданнар җыеннары үткәрелде. Контейнер мәйданчыгы юл читендә урнашкан, ә юлда түгел, бу халык өчен дә (халык җыены нәтиҗәләре буенча), шулай ук чүп ташучы машинага килү һәм борылу өчен дә уңайлы мәйданчык.

Юлларга килгәндә, 2019 елда Иске Куян авылында «Безнең авыл» район программасы буенча Үзәк урамда чокырларны ямау һәм Лесная урамындагы юлга комташ катнашмасы салу планлаштырыла. Эшләр 2019 елның сентябрь ахырына кадәр планлаштырылган. Объектны, эш күләмнәрен билгеләү, аларны башкару сыйфатын тикшерү һәм башка оештыру моментлары белән авыл халкыннан төзелгән инициативалы төркем Бакалы авыл Советы авыл биләмәсе хакимияте белән берлектә шөгыльләнә. Юл төзекләндерелгәннән соң, Лесная урамы буенча проблема булмаячак, дип көтәбез.

Хөрмәт белән,

Миләүшә Риянова,

Бакалы районы хакимиятенең рәсми вәкиле.