Иске Костейда балалар бакчасы ачылды

Бу вакыйганы халык 20 елдан артык көтте. Мәктәпкәчә яшьтәге балалар өчен төркем ачу турындагы мәсьәлә гражданнар җыеннарында, Хакимият көннәрендә берничә тапкыр күтәрелде. Ниһаять, төркем эшли башлады, анда 1,5 яшьтән 7 яшькә кадәрге 25 бала йөреячәк. Биредә балаларның һәрьяклы үсеше өчен барлык шартлар да тудырылган. Берничә зона дәресләр, уеннар, йокы өчен бүлеп бирелгән, алгы бүлмә, санузел, кер юу урыны бар. Бүлмәләр заманча таләпләргә җавап бирә. Балалар анда үзләрен уңайлы хис итсен өчен, өлкәннәр бинаны матур, заманча итәргә тырыштылар.

Балалар белән өч хезмәткәр - тәрбияче, кече тәрбияче һәм пешекче эшләячәк. Педагоглар ачылуның беренче көннәреннән үк балаларны интеллектуаль һәм уен эшчәнлегенә җәлеп иттеләр.

Тантанада катнашкан кунаклар - район хакимияте башлыгының социаль мәсьәләләр һәм кадрлар буенча урынбасары Ф.Г.Хәйбрахманов, район мәгариф бүлеге начальнигы Л. Р. Галиева балаларга һәм аларның ата-аналарына сәламәтлек, бәхет, балаларның бакчага даими йөреп, белем алып үсүләрен теләделәр. Моның өчен барлык шартлар да тудырылган.

Любовь КАМЕНЕВА,

мәгариф бүлегенең мәктәпкәчә белем бирү методисты.