Мәхәббәт һәм тугрылык өчен

Быел бу күркәм бүләккә Бакалы авылыннан хөрмәтле гаилә пары - Радик Кәрамович һәм Вәсилә Мөбарәковна Хисамиевлар лаек булды.

Бу тату һәм бердәм гаиләне белмәгән бакалылы юктыр. Алар тормыш юлыннан 38 ел бергә атлыйлар, шатлык-кайгыларын бергә бүлешәләр, балалар, оныклар үстерәләр. Бергә узган шушы елларда алар никах белән генә түгел, ә уртак максатлар, мәнфәгатьләр белән дә бәйле. Икесе дә укытучылар, өстәвенә, һөнәрләренә тугры оста педагоглар. Хезмәт сөючән, укымышлы, зыялы кешеләр гомерләрен туган районга багышлаган зур хезмәт ияләре.