Хезмәтләре нәтиҗәле

Наратлы авылыннан Илүс Мәхәсим улы Насыйбуллинның крестьян-фермерлык хуҗалыгына 20 ел. 2009 елның декабрендә алар тормыш иптәше Флүрә Әнвәр кызы белән мөстәкыйль фермер юлын башладылар.

Илүс Насыйбуллин шушы авылда туып-үскән. Әтисе - фельдшер, әнисе колхозда фермада эшли. Укуга сәләтле малайны әти-әнисе Туймазы шәһәренең интернат-мәктәбенә урнаштыралар, анда ул 4-10нчы сыйныфларда укый. Аннан Туймазы индустриаль техникумын тәмамлый. Биредә хыялыңдагы кызны очрата, ул тормышта тугры юлдашы, ике кызының әнисе һәм бизнеста ышанычлы партнеры була.

Флүрә Әнвәр кызы белеме буенча рус теле һәм әдәбияты укытучысы. 14 ел мәктәптә укыта. Декабристларның хатыннары кебек үк, үзен иренә һәм аның эшләренә багышлый. Менә 36 ел инде алар, авырлыкларны җиңеп, шатлыкларны уртаклашып, кулга-кул тотынып тормыш юлыннан атлыйлар. 1990 елда алар туган якка әйләнеп кайтырга һәм йорт төзергә булалар. Шул вакыттан алып аларга Илүс Мәхәсим улының туган җире булганы өчен генә түгел, аны саклап калу һәм торгызу өчен үзләре күп көч түккәнгә дә кадерле.

Наратлыга кайткач, ир белән хатын шәхси кибет ачалар, авылдашларын һәм якын-тирә торак пунктларны көндәлек товарлар белән тәэмин итәләр, зур хуҗалык булдыралар. Авыл тормышында актив катнашалар. 2000 елда аларның инициативасы һәм үҗәтлеге нәтиҗәсендә авылга газ керә – барлык оештыру мәсьәләләрен алар үзләре хәл итә.

1990 елда Насыйбуллиннарга таркалган хуҗалыкны үз кулларына алырга тәкъдим итәләр. Озак уйларга вакыт булмый. Алар ризалаша.

Мәрьям ТИМЕРГАЛИЕВА.

Мәкаләнең тулы текстын район гәзитенең 22 октябрьдә чыккан 85нче санында укыгыз.