Владимир Путин Федераль Җыелышка юллама белән чыгыш ясаячак

Русия Президенты В.В. Путин 15 гыйнварда Федераль Җыелышка Юллама белән чыгыш ясаячак, дип хәбәр итә ТАСС.

«Мин хәзер 15 гыйнвар Юлламасына әзерләнәм», - дип китерә басма Русия лидеры сүзләрен. Президент документның эчтәлеген әлегә ачмады.

Дәүләт башлыгы, аерым алганда, «гражданнарның керемнәре өлкәсендә торгынлыкны җиңү, минималь хезмәт хакы дәрәҗәсендә яшәүче кешеләр санын киметү, ярлылыкны җиңү белән бәйле мәсьәләләр» күздә тотылуы турында искәртте. «Бу карарлар булырга тиеш», - диде Путин. «Мине халыкның реаль керемнәрендә стагнация булуы борчый», - дип белдерде Президент.