Волонтёрлар ярдәмгә ашыга

Волонтерлар арасында студентлар, шәхси эшкуарлар һәм битараф булмаган гражданнар бар. Барыр алдыннан алар сәламәтлек торышы буенча беренчел тикшерү, контактларны булдырмау буенча инструктаж үтәләр һәм шәхси саклану чаралары алалар. Авыруның хәтта кечкенә билгеләре (температура, ютәл, төчкерү, томау һ.б.) булганда да волонтерлар чакыру буенча җибәрелми.

Килгән заявкалардан тыш, Марат Әхмәтҗанов («Гранат» кафесы) һәм Вадим Дырнаев («Бакалы» кулланучылар җәмгыяте) белән берлектә, район үзәгендәге 5 гаилә көн саен азык-төлек белән (пицца, җимешләр) тәэмин ителә. Бүгенге көнгә 60тан артык гаиләдә (ятим балалар белән опекуннар, инвалид балалар булган гаиләләр) булдык.

Безнең үтенечләрне кире какмаган эшкуарлар Алексей һәм Светлана Фроловларга («Лидер» кибете), Константин һәм Людмила Рыцевларга («Факел» кибете), Артур Айдаровка («Панда» китереп бирү сервисы) рәхмәт сүзләрен җиткерәбез. Аларның ярдәме белән аеруча мохтаҗ гаиләләр шулай ук азык-төлек җыелмалары алды.

Битлекләр һәм перчаткалар сатып алуда булышкан, автомобильләр белән ярдәм иткән иганәчеләребез – Дмитрий Биккинин, Юрий Митрофанов («Бакалы-мебель»), Юлия Марковага («Оладушки» кафесы), Ольга һәм Оксана Игнатьевларга («Fox-bar» һәм «Малибу» кафелары), Ринат Чубараевка да аерым рәхмәт сүзләрен җиткерәсе килә.

Мин әйтеп үткән иганәчеләрнең барысы да бик тыйнак кешеләр, алар үзләрен атамауларын үтенделәр, чөнки моны алар ихлас күңелдән башкаралар, әмма мин барыбер язам, чөнки аларны белергә тиешләр.

Барыбыз өчен бу җиңел булмаган вакытта бакалыларны өлкән яшьтәге яки хәрәкәтләнү мөмкинлеге чикле күршеләрегезгә, танышларыгызга, якыннарыгызга һәм туганнарыгызга игътибарлырак булырга чакырам, бәлки аларга нәкъ менә сезнең ярдәм кирәктер.