Гөлҗимешне дөрес җыю серләре

-Гөлҗимешне август ахырыннан беренче кырау төшкәнчегә кадәр җыярга кирәк. Җимешләр агачта ничек азрак тора, шуның кадәр күбрәк С витаминына байрак була. Аларны киптерүе дә җайлырак. Ләкин мондый җимешләр ачырак булырга мөмкин.

-Агачта озаграк торган җимешләр чәйгә тәмләткеч буларак яхшы. Файдасы азрак булса да, алар баллырак була.

-Җыйганда зуррак, матуррак җимешләрне сайларга тырышыгыз. Файдасы да күбрәк, тәме дә яхшырак

-Гөлҗимешне кояшта киптерергә дә ярамый. Ультрашәмәхә нурлары анда булган барлык витаминнарны юк итә. Гөлҗимешне ышыкта, җилле урында киптерү мөһим. Караңгырак булган саен, витаминнар яхшырак саклана.

-Кайбер кешеләр гөлҗимешне пичкә генә тыга. Пичтә киптерү өчен аны 50-60 градуска кадәр җылытырга кирәк. Зуррак температурада гөлҗимешнең барлык витаминнары да юкка чыгачак. Газ плитәсен аз гына ачык тотарга кирәк, бу җимешләрдәге артык дымны чыгарырга ярдәм итәчәк. Моның өчен 7-8 сәгать кирәк булачак. Кипкән гөлҗимеш үз төсен югалтмаска тиеш. Ул көрәнсу төскә керә икән, димәк, пич температурасы югары булган.

-Кипкән гөлҗимешне караңгы урында саклагыз. Бу очракта ул өч елга кадәр үзенең файдасын югалтмаячак.