Күңел җылысын - балаларга

Хатын-кызларны хөрмәтләү тантанасы район Мәдәният сараеның кече залында узды. Күп балалы әниләрне гаилә хезмәте җитәкчесе Г.А.Фәхруллина, район хакимияте башлыгының социаль мәсьәләләр һәм кадрлар буенча урынбасары вазыйфаларын башкаручы О.А.Ефимов җылы сәламләделәр. Үз чыгышларында алар җирдә ана хезмәтеннән дә бөегрәк һәм гаилә учагын саклап калудан да зуррак миссиянең булмавын билгеләп үттеләр. Гаилә - ул иң мөһиме, ә күп балалы гаилә - икеләтә бәхет. Алар хатын-кызларны бәйрәм белән котладылар, аларның батырлыклары белән соклануларын белдерделәр, бу гаиләләрдә әти-әниләр үз мисалларында балаларда хезмәт сөючәнлек, өлкәннәргә хөрмәт, игътибарлылык һәм игелеклек тәрбияләвен билгеләделәр.

Район Мәдәният сарае хезмәткәрләре чыгышы чарага аерым тантана һәм матурлык өстәде. Рәмилә Мусакаева, Татьяна Рыцева, Рөстәм Ханнанов, аккомпаниатор Динар Юнысов, алып баручы Алия Хәйбрахманова бәйрәмне истә калырлык, чагу һәм матур үткәрделәр.

Бу көнне Әниләр көненә бүләк һәм чәчәк бәйләмнәрен шулай ук лаеклы алты хатын-кыз алды, алар әниләр, гаилә учагын саклаучылар һәм хезмәткәрләр ролен уңышлы яраштыралар.