+10 °С
Болытлы
Барлык яңалыклар
ҖӘМГЫЯТЬ
12 гыйнвар 2021, 10:50
Грипптан ничек котылырга?
Көзен һәм кышларын тынгы бирми бу авыру. Хәтта бүгенге коронавирус чорында да. Һәм бөтен гәзит-журналлар «җиң сызганып» гриппка каршы көрәшкә чыга. Нинди генә дәвалану чаралары тәкъдим итмиләр безнең табибларыбыз... Халыкта таралган гади генә ысуллар турында беребез дә уйламый, әлбәттә. Түбәндә – шуларның берничәсе
Көзен һәм кышларын тынгы бирми бу авыру. Хәтта бүгенге коронавирус чорында да. Һәм бөтен гәзит-журналлар «җиң сызганып» гриппка каршы көрәшкә чыга. Нинди генә дәвалану чаралары тәкъдим итмиләр безнең табибларыбыз... Халыкта таралган гади генә ысуллар турында беребез дә уйламый, әлбәттә. Түбәндә – шуларның берничәсе.
Ярты лимонны вак кына итеп турап, тәлинкәгә салгач, аңа вакланган җиде тырнак сарымсак кушабыз. Катнашманы ярты литрлы банкага салып, өстенә кайнатып суытылган су коябыз. Банканы каплап, дүрт көнгә караңгы урынга куябыз.
Бу сыеклыкны иртән ач карынга, ашарга 20 минут кала, көненә бер тапкыр бер аш кашыгы эчәргә тәкъдим ителә. Балаларга азрак микъдарда бирәләр. Дару суыткычта саклана.
Бу дәва авыруны кисәтү чарасы буларак кулланылса, эпидемия вакытында ни эшләргә соң? Иртән эвкалипт яфрагы чәйнәргә кирәк, ә инде авырган кеше янында булганда, яфрак авызда, урт белән яңак арасында саклана.
Вакытыгыз бик тыгыз икән, иң җиңел эшләнә торган ысулны кулланырга да була. Көненә ике тапкыр, Юар минут, танауның әле бер, әле икенче ягы белән вакланган суган, сарымсак сутын иснәргә кирәк.
Бу сутны шулай ук борын тишекләренә һәм авыз кырына сөртергә дә була.
Фото: narodnymi.com
Автор: Илдус Фазлетдинов
https://tulpar.rbsmi.ru/articles/common_material/Gripptan-nichek-kotilirga-626024/?utm_source=vk&utm_medium=social&utm_campaign=147944323
Читайте нас: