Сәхнәдә янә фестиваль

Озак тәнәфестән соң, коронавирус сәбәпле булган кайбер чикләүләр бетерелгәч, район Мәдәният сараенда ел саен үткәрелүче район халык иҗаты фестивале ачылды. Быел ул «Агитмарафон-2021. Яшәсен матурлык! Ташламасын саулык! Булсын гел татулык!» дип атала, чара Башкортстан Республикасында Сәламәтлек һәм актив озын гомер елына һәм Русия Федерациясендә Фән һәм технологияләр елына багышланган.

Аны ачу тамашачылар өчен дә, сәхнә осталары өчен дә чын бәйрәм булды.

Алып баручылар тамашачыларны хыял һәм иҗат океаны буенча зур лайнерда виртуаль круизга - район халык иҗаты фестиваленең алтын талантларын эзләргә чакырдылар. Юлда тамашачылар утрауларда, шәһәрләрдә, портларда булдылар.

Лайнер тизлек җыйды, ә тамашачылар диңгез буенча сәяхәттә ял иттеләр, сәхнәдәге чыгышларны бик җылы каршы алдылар.

Круиз лайнерының беренче сәяхәте тәмам, әмма ул, яңа талантлар эзләп, иҗат диңгезе һәм океаннары буйлап сәяхәтен дәвам итәчәк. Ике ай дәвамында без бик күп мавыктыргыч нәрсәләр белербез һәм күрербез, авылларның энҗе бөртекләре безне үз талантлары белән бик күп тапкырлар сөендерер, дип ышанабыз.