Волейбол турниры

“Олимп” ФСКда ир-егетләр командалары арасында Башкортстан Республикасының атказанган физик культура хезмәткәре А.Б.Маслов истәлегенә багышланган волейбол турниры үтте. Район хакимиятенең яшьләр сәясәте һәм спорт комитеты һәм Балалар-үсмерләр спорт мәктәбе ярышны оештыручылар булдылар.

Ярышларда җиде - Шаран районы, ТРның Мөслим һәм Актаныш районнары, Иске Корыч, Яңа Катай авыл Советлары авыл биләмәләре, «Бакалы-1» һәм «Бакалы-2» командалары катнашты. Призлы урын яулау өчен уеннарда тупны көчле, төгәл бирүләр дә, җиңелчә алдау алымнары да кулланылды. Спорт көрәше нәтиҗәләрендә актанышлылар җиңүчеләр булдылар, шаранлылар – икенче, Бакалыдагы 1нче мәктәп өченче урыннарны яуладылар.

Зоя АВДЮШКИНА, баш белгеч.